ငါ မတွေ ဝေပဲ…လည်း
ချစ်ဖူးတယ်…
မသေချာပဲ…လည်း…ရူး ဖူးတယ်..
အချစ် ဆိုတာ အ’ မင်္ဂလာ တပါး
မဟုတ်ရဘူး ကွယ်…
စိတ်အပန်းဖြေရာ…ကစားကွင်းတခု…
မဖြစ်ရဘူးကွယ်….
ဒါတွေဟာလည်း…
ငါမမျှော်လင့်ခဲ့သလို…
ကြုံဖူးတယ်…
ငါက..
ငါ့အစွမ်းရှိသရွှေ့  တော့
အမြင့်မားဆုံး ပျံသန်းကြည့်ချင်တယ်…
မင်းက..
မင်း အတ္တ တွေနဲ့  ငါ့ကို..ချည်နှောင်လို့ မရ နိုင်တော့မှာ..
စိုးရိမ်တယ်…
“မိန်းမ တယောက်ရဲ့ အရေးပါမှု မြင့်တက်နေသရွှေ့ ..
ယောင်္ကျား တယောက်ရဲ့ မာန ကျရှုံးနေသတဲ့ ”
ငါ မြတ်နိူးခဲ့ ဖူးတဲ့ မင်းမျက်လုံးတွေ…
နောက်ဆုံးအကြိမ် အဖြစ်…
ခါးခါး သီးသီး စိုက်ကြည့်ခဲ့တယ်….
“ အေး.မင်းငါ့မျက်နှာကို စေ့စေ့ကြည့်စမ်းပါ” တဲ့
အင်း …ဒါဟာလည်း သူ့ စကားကိုနောက်ဆုံးနားထောင်ခြင်းပါပဲ..
“ မိန်းမတယောက် က လိုအပ်တာထက်…
သိပ် တော်လွန်းတတ်လွန်းချင်နေရင်..ငါမုန်းတယ်..” တဲ့
သြော်..သူပဲ အမျိုးမျိုး ရယ်..
“မင်း ငါ့ကိုဒီလောက်ကျောခိုင်းချင်နေလဲ..မင်းသဘောပဲ”
…………………………………………
ကျောခိုင်းတာတော့မဟုတ်ခဲ့ ဘူး…
မမြင်ချင်တော့လို့ လှည့်ထွက်ခဲ့တာ..
သိပ်တော့လည်းမထူးဆန်းပါဘူး…
မင်းနဲ့ ငါ့ကြား တူညီမှု တခုပဲ ရှိခဲ့တယ်…
ဒါတွေ ထားလိုက်ပါတော့ ချစ်သူ…
ခံစားချက် ကိုယ်စီပိုက်…
ခံယူချက်တွေ နဲ့ ပဲ လမ်းဆက်လျှောက်…
ခရီး ဆိုတာ..ရောက်မှန်းမသိ…..ရောက်သွားပါလိမ့်မယ်….။ ။
*
။ ။အဲ့ဒီနေ့ က မိုးပြာရောင် အကျီ င်္လေးနဲ့ အသဲအသန်မောင်းလာတဲ့ဆိုင်ကယ်ပေါ်က ခုန်ဆင်းလာတဲ့ကောင်လေးတယောက်ကို ကျမသာလိုက်ကြည့်မနေဖြစ်ခဲ့ရင် ဘယ်လောက်ကောင်းလိုက်မလဲကွယ်…
သူက ကျမတို့ ဝိုင်းကဖြတ်သွားပြီး ကျမတို့ နောက်ကသူ့  သူငယ်ချင်းတွေဝိုင်းမှာဝင်ထိုင်ပါတယ်..
“ မင်းတို့ ကောင်တွေ ငါ့ကိုတောင်မစောင့်ဘူးကွာ.. ရှာလိုက်ရတာ တောင်ထိပ်ဆိုတောင်ထိပ်
မူဆယ်ဆို မူဆယ်တော့ပြောသွားမှပေါ့ကွ..ဘယ်မှာလဲ ရည်းစားရတဲ့ ငတိ ရေမြေ့ရှင် ဒဂါကြီး “
“ နေဦးကွ လာလိမ့်မယ် ကောင်မလေးသူငယ်ချင်းတွေလဲ ပါမယ်လို့ ပြောတယ်..ဟီဟိ ငါတို့ ကောင်တွေ လဲ ပွပေါက်တိုးတာပေါ့ကွာ”
အနောက်ဝိုင်းက အသံများကို ကျမတို့ အတိုင်းသားကြားနေရသည်…ဟုတ်တော့ဟုတ်နေပါပြီ… မိငယ် ကလဲ မလာသေး
ဒီနေ့ သူတို့ အတွဲ အဆင်ပြေသည့်အထိန်းအမှတ်ဖြင့်ကျွေးသည့်ပွဲ ဖြစ်သည်.. ဒါပေမယ့် ကာယကံရှင်တွေ ကနောက်ကျလို့ နေသည်..
ဒါဆို နောက်ဝိုင်းက မိုးပြာရောင်နှင့် ဂျစ်တူးလေး က ငခန့် သူငယ်ချင်းပဲပေါ့…
“ဟာ ဟေ့ကောင်ခန့် ကြီး စောင့်လိုက်ရတာကွာ မင်းကလဲ ငါတို့ ဗိုက်ဆာနေပြီကွ.. အစားပြီးရင်လဲ လာရဦးမှာနော်..ဟေ့ကောင်
ဒါနဲ့ ငယ်ငယ် ဘယ်မှာလဲ နင့်သူငယ်ချင်းတွေ “
“ အာ ဒီမှာလေဟာ… “
“ ဟိုက် သွားပါပြီ… “
“ ဟားဟား ထားလိုက်ပါတော့ ငါတို့ က နင်တို့ ပြောတာတွေ မကြားပါဘူး ပတ်ဝန်းကျင်ကို ဘေးမဲ့လွှတ်ထားတာ..ဟုတ်တယ်နော် သူငယ်ချင်းတို့  “
“ ဟုတ်ပါတယ် ဟုတ်ပါတယ်.. “
“ ၀ါး..ဟုတ်ပါပြီဗျာ ဒါဆိုလဲ မိတ်ဆက်ပေးကြဦးလေ..”
ငယ်က ဦးဆောင်၍
“ အင်း ဒါက ငယ့်အချစ်ဆုံးသူငယ်ချင်းတွေ ငယ်တို့ နှစ်ယောက်တရားဝင်ရည်းစားဖြစ်ကြောင်း သက်သေခံပေးမယ့်သူတွေပေါ့..
ဒီဘက် က မိဂူး ၊ ဒါက မိဖြူ ၊ ဟိုအစွန်ကတယောက်က မိယု တဲ့ နာမည်အရှည်သိချင်ရင်တော့ နောက်တ၀ိုင်း ကျွေးရမယ့် လူဖြစ်သွားမယ်..”
သူ့ မျက်ဝန်းတွေက ကျမ ဆီသို့ အရောက်မှာ ရပ်တန့် သွားသည်… လှပ်ခနဲ ဖြစ်သွားသောရင်ခုန်သံကို ကျမကိုယ်တိုင် ပြန်ကြားမိခဲ့ရသလိုလို..( ဒါပေမယ့် မောင် ရယ်..အဲ့ဒီ့တုန်းက မောင့် အကြည့်တွေဟာ… အဝေးမှာကျန်ခဲ့တဲ့ မောင့် အချစ်ဦး ကောင်မလေးတယောက်နဲ့ ကျမ ပုံစံကဆင်နေလို့ ဆိုတာ ကြိုမသိခဲ့ရတာ ရင်နာလိုက်တာကွယ်)
“ဒါက ကျွန်တော့်သူငယ်ချင်းတွေ.. ဒီဘက်က ဖိုးသား ၊ဒီကောင်က ဝေယံ ၊ ဒါက တေမိ တဲ့ “
“ အမ် သူ့ နာမည်ကြီးကလဲ ဘာလို့ လဲ.”
“ ဘာလို့ ရမှာလဲ စကားမပြောလို့ ပေါ့ တနေ့ လုံးနေမှ တခွန်းနှစ်ခွန်းထွက်အောင် မနည်းပြောခိုင်းရတယ်..”
“သြော် ဂလုံလား ဟားဟား ဟား ခုနကတော့ ပြောနေသလိုပဲ “
“ အဲဒါ သူဒေါကန်လာလို့ ဗျ..အမ် ဒါဆို အမ တို့ က ကျုပ်တို့ ပြောနေတာတွေကြားတယ်ပေါ့ “
“ အာ ကြားဘူး ကြားဘူး ..”
“ ဟားဟား ဟား”
ကျမ တို့ တွေ အချိန်တိုလေးအတွင်းမှာပဲ အဖွဲ့ ကျသွားခဲ့ကြပါတယ်… ကျမ မျက်ဝန်းတွေက လဲ သူ့ ရှေ့မှောက်မှာ မကြာခဏ ချော်လဲလို့ ပေါ့.
“ယုယခင် တို့ ဖြူသွယ် တို့ အဖွဲ့့ဘီယာဆိုင်တောင် ရောက်နေပါရောလား “
တဖက်ဝိုင်းက စကားသံကြောင့် ကျမ တို့ ဝိုင်းတိတ်ဆိတ်သွားသည်..
ဆတ်ဆတ်ကျဲ ငယ်ကပဲ စပြောသည်…
“ အေး ကိုယ့်အကြောင်းနဲ့ ကိုယ်လာတာ… ပါးစပ်တွေ ကိုယ့်ဘာကို ပိတ်ရင်ကောင်းမယ် ..လာပိတ်ပေးရမယ်ဆိုရင်တော့ တကျောင်းထဲသားတွေ မကောင်းတော့ဘူး “
ငယ်က စောင်းသလိုလိုနှင့် တည့်တည့်ပြောတော့သည်.. တကယ်ဆို သူတို့ က ကျမတို့ ကွန်ပြူတာ ကလူတွေ သေချာကတော့ ကျမတို့ လဲမသိ… ကျမတို့ အဖွဲ့ ကိုတော့ ကောင်းကောင်းသိပုံရသည်.. အခုလို ဂျီတီစီ ကျောင်းသားတွေနဲ့ တွဲ ထိုင်နေကြတာကိုလဲ အသဲနာပုံရသည်..
ငယ်ငယ် ကပြောတော့ ငခန့် က မနေတော့
“ ဟေ့ကောင်တွေ မင်းတို့ ဘာစကားပြောတာလဲ လူလိုပြောရင်ကောင်းမယ် မိန်းကလေးတွေကို နာမည်တပ်ပြီးတော့ မစော်ကားနဲ့ ”
“ ဟာ ဘာလဲကွ သူများခြံ ခုန်လာတဲ့နွားက အစောကြီး ကိုယ့်စားရိတ်နဲ့ ကိုယ်နေပါလား..အဲ့ဒါလေးတွေက ငါတို့ ပျိုးခင်းတွေ”
“ ဟာ မင်းသေချင်လို့ လား ကြာတယ်ကွာ”
…………………..###......................
>>>………………..<<<<
မထင်မှတ်ပဲ ရန်ပွဲ ထဖြစ်သည်.. စကားတခွန်းမှ မပြောပဲ ထိုင်နေသည့်သူက ရုတ်တရက် ထ၍ ဘာမှမပြောပဲ ထိုလူကို စထိုးသည်…
ကျမတို့ လဲ မဆွဲရဲ ကြ…
ရုတ်ရုတ်သဲသဲ ဖြစ်နေကြရာမှ ရှေ့ကလူကို မဲနေတဲ့သူ့ ဆီသို့ ပြေးဝင်လာသော အရိပ်တခု…
“မိယု….မသွားနဲ့ ”
ဂူဂူး၏ အော်သံ…
သို့ ပေမယ့် ကျမ သူ့ နောက်ကျောဆီသို့ ပြေးကပ်သွားမိသည်… အား…….. စူးရှသောနာကျင်မှု တခုနဲ့ အတူ ကျမ ဦးခေါင်းခွံတခုလုံးပြူတ်ထွက် သွားကြပြီဟု ခံစားမိသည်… ထို့ နောက်…ထို့ နောက်…..
……………………………………………………..။…………………………………………………………………………………..
“ မ …မ..သတိရပြီလား …”
“ ဟင်…… အင်းးးး..”
“ ဟာ တော်သေးတာပေါ့ မ ရယ် ကျွန်တော် တို့ တညလုံးစောင့်နေကြတာ ..နောက် တနာရီမှ မ သတိရမလာရင်
ရန်ကုန် ဆေးရုံထိ သွားရတော့မှာ”
“ အမ်..ဆေးရုံ… ဟင့်အင်း မသွားဘူး အခု အခု ယု ဘယ်မှာလဲဟင် “
“ အခု မသွားရတော့ ပါ ဘူး မ ရဲ့ ..အခုက ဆေးရုံအုပ်ကြီးရဲ့ အိမ်မှာလေ.. သူ့ ကို တောင်းပန်ပြီး ဒီကို တိုးတိုးတိတ်တိတ် လာခဲ့တာ..
ဆေးရုံ အထိသွားရင် ရန်ဖြစ်လာတာ ဆိုတော့ အမှုဖြစ်တော့မှာ “
“ အို တော်သေးတာပေါ့ … တေမိ အဲ သူဘာဖြစ်သွားသေးတာလဲ “
“ ကျွန်တော့်နာမည် အံ့မင်းညို ပါ မ .. သူငယ်ချင်းတွေက တော့ ဖိုးညို လို ပဲ့ခေါ်ကြတယ်..
ကျွန်တော် ဘာမှ မဖြစ်ပါဘူး ဒါပေမယ့် တော်တော် တော့ အံ့သြ သွားတယ်…ပြီးတော့
မ ကို မေးစရာ ရှိတယ် စိတ်မဆိုးဘူး ဆိုရင်လေ “
“ အင်.. မေးလေ..မေးပါ”
“ အာ ..အခု မမေးတော့ပါဘူးဗျာ.. မမ သေချာနေကောင်းသွားမှပဲ မေးတော့မယ်နော်..
အခု ကျွန်တော်တို့ အဆောင်ကို လိုက်ပို့ ပေးမယ်..
ညနေ အပြင်မထွက်နဲ့ တော့ ကျွန်တော်စားဖို့ လာပို့ ပေးမယ် မမ ဘာစားချင်လဲ ပြော”
အို သူ့ မျက်ဝန်းတွေက နူးညံ့လွန်းနေတယ်.. ကျမ ကံကောင်းလိုက်တာနော်.. ( တကယ်တော့ ကျမ ထက်ကံကောင်းနေတဲ့သူ သူ့ ရင်ဘတ်ထဲမှာ ပုန်းခိုနေခဲ့တယ် ဆိုတာ ကျမ မှ မသိခဲ့ရတာကွယ်)
“ မိဖြူ ငါ ဘာစားရင် ကောင်းမလဲ ဟင်… “
“ အေး မိယု ရယ် နင့်ခေါင်းကွဲထားတဲ့ ဒဏ်ရာနဲ့ မဟုတ်တာတွေ တော့ မပူစာနဲ့ နော်..
ခေတ်မှီ က ငါးရံ့ ဆံပြုတ်လေး သောက်ပါလား နင်ကြိုက်တယ်လေဟာ..နော်”
“ အင်းပါ ပြီးရော ဒါဆို ညို အဲ မောင်လေး မ ကို အဲ့ဒါပဲ ၀ယ်ပေးနော် “
“ရင်ခုန်သံတွေ မှားယွင်းခဲ့ သလား မောင်…
မောင်ပေးတဲ့ အိပ်မက်တွေ မှာသာယာပြီး…
မောင့်မျက်ဝန်းတွေ ကို ဘာသာမပြန်တတ်ခဲ့တဲ့ ကျမ အမှားပဲလား…
အမှန်တရားဆီကို သွားဖို့ ကျမ ခြေလှမ်းတွေ
မ နိူးထ ချင်ခဲ့ဘူး မောင်ရယ်… “
ညနေကျ တော့ သူ အဆောင်ကိုရောက်လာတယ် .. ညဘက် ၇ လမ်းထိပ်က နိူ့ ပူဆိုင်လေးမှာ ထိုင်ဖြစ်ကြတယ်…
ကျမရဲ့ ပထမဦးဆုံး ရင်ခုန်သံတွေကို နားလည်နေတဲ့ သူငယ်ချင်းတွေ က သူ့ အကြောင်းတွေ စုံစမ်းပေးမယ်လို့ ပဲ ပြောခဲ့ကြပါတယ်…
“ မ ကို ကျွန်တော် မေးမယ်နော်..ဒါပေမယ့် မ ဖြေချင်မှဖြေပါ “
“ အင်း…”
သူ့ နှုတ်ခမ်းပါး က ထွက်လာတဲ့ စကားသံတိုင်းကို ခေါင်းငြိမ့်တတ်ဖို့  ဘယ်လို တန်ခိုးရှင် ကများ ကျမ ကို ညို့ ယူထားခဲ့သလဲ…
“ မ အဲ့ဒီနေ့ က ဘာလို့ ကျွန်တော့် ကို ကာပေးခဲ့သလဲ ..တကယ်ဆို ကျွန်တော် က ယောင်္ကျားလေးပဲ.. မ မလုပ်သင့်ဘူး..
အဲ့ဒါကို သိလား “
“အင်း အမှန်အတိုင်း ပြောရမလား “
“ မ သဘောပါ “
“ ယု မသိဘူး… ရုတ်တရက် ကို ယု ဘာဖြစ်သွားမှန်း ကို ယု မသိတာ “
သူပြုံးတယ် ..အို သူ့ အပြုံး လေးက သိပ် Charming ဖြစ်တာပဲကွယ် … သူ့ သွား ညီညီလေးတွေ နဲ့ လိုက်ဖက်လွန်းတယ်..
“ သြော် ဒီလိုလား အိုခေ လေ…ထားလိုက်ပါတော့ ..ခန့် ကြီးတို့ အတွဲ တော့ တော်တော် အဆင်ပြေနေတာပဲ…
လိုက်ဖက်တယ်နော်… ငယ်ငယ် ကလဲ တော်တော် ချစ်ပုံရတယ်..ဒီကောင့်ကို “
“ အင်း ဟုတ်ပါ့ မိငယ် က အဆောင်မှာဆိုပြောပြောနေတာ နားတောင်ညီးတယ် “
“ မ ကလဲ ပြန်ကြွားပေါ့ မ ရည်းစား အကြောင်းတွေ “
“ အို ကြွားချင်တာတောင် ရှိမှ မရှိတာကိုး.. “
“ ဟားဟား ဟား … ကျွန်တော်ရှာပေးရမလား ကျွန်တော့် ဘော်ဒါတွေ တော့ မကြိုက်နဲ့ …
ကျောင်းက ဖဲဂျိူး တွေ တကောင်မှ မကောင်းဘူး… “
ရှာပေးစရာ လိုလို့ လားကွယ်… မောင့်အပြုံးတွေ ထဲ ကျဆုံးနေခဲ့ပြီးသား သူပေပဲ….
အဆောင် ပြန်ရောက်တော့ ငယ်က စိတ်မကောင်းတဲ့ မျက်ဝန်း နဲ့ မောင့် အကြောင်းတွေ ပြောပြတယ်…
မောင်က ရန်ကုန်သားဖြစ်ပြီး စာတော်တဲ့ အကြောင်း..မောင်တို့ ဂျီတီစီ ကျောင်းမှာလဲ မောင့်ကို ကြိုက်နေကြတဲ့ မိန်းကလေးပေါင်း များစွာရှိကြောင်း .. နောက်ဆုံးတခုကတော့ … မောင့် မှာ ဟိုးငယ်ငယ်လေးထဲ က သိပ်ချစ်ရတဲ့ အချစ်ဦး သူငယ်ချင်းချစ်သူကောင်မလေး တယောက်ရှိကြောင်း နဲ့ မောင် က သူ့ ကို သိပ်ချစ်တဲ့ အကြောင်းတွေ …ကို သူငယ်ချင်းတွေ အားလုံးကို ကြုံတိုင်းပြောပြတယ် ဆိုတဲ့ အကြောင်းတွေ…
“ အချစ်ဦးဖြစ်ခွင့် ဆိုတာ ဘုရားပေးတဲ့ ဆုလဒ် တခုလား …
ကျမ အခု သေဆုံးသွားချင်တယ် မောင်…
နောင် ဘ၀မှာ မောင့် အချစ်ဦး ဖြစ်ခွင့်ရမယ် ဆိုတဲ့ မျှော်လင့်ချက် တခုရှိရင်ပေါ့… “
ဘယ်လိုပဲ ဖြစ်ဖြစ် မောင် ကျမ အနားမှာ အမြဲရှိရှိ နေတတ်တယ်.. မောင့်ကျောင်း ကပြန်လာတိုင်း ကျမ တို့ ဆီကို မောင့်သူငယ်ချင်း
တွေနဲ့ အတူ ရောက်ရောက်နေခဲ့တာပေါ့…
ညဘက် ကျမ တို့ အဆောင်ကို ခန့် ကြီးတို့ ဂစ်တာလာတီးရင်မောင် ပါ ပါ လာတတ်ပြီလေ…
“ ကွန်ပြူတာ ကျောင်းဝင်းထဲက ကောင်မလေး သိပ်ချစ်လွန်းလို့ ငါလိုက်ငေး..
ခိုးခိုးပြီး တော့ အကြိမ်ကြိမ်ကြည့် သူလေတကယ်ကို မသိ…
…………..ဂျီတီစီ ကျောင်းသားလေးမို့ ရင်မှာ မအေး ငူငူ ငိုင်ငိုင်ဆွေး “
အခု Girl Band တခုက ဆိုထားတဲ့ “ ဆေးကျောင်းသား “ သီချင်း အလိုက်လေးပေါ့..အဲ့ဒီ့တုန်းကတော့ အခွေလဲ မထွက်သေးပါဘူး…
မောင်တို့ အဖွဲ့ ဘယ်က ရလာတယ်မသိဘူး .. ကျမ တို့ ရင်ခုန်ရတဲ့ သံစဉ်တွေ ပေါ့…
ပြီးတော့ မောင် က ဂစ်တာတီးပြီး ဒိုးလုံးရဲ့  “ ချစ်ဦးမေ “ သီချင်း ကိုဆိုတယ်…
“ ရင်ထဲ ကချစ်ဦးမေ ..ငါတမ်းတ သိပ်လွမ်းနေ မင်းရယ်သံ လေး..မင်းငိုသံလေး..
ငါပြန်ကြားနေ ဘာကြောင့်မို့ ငါလွမ်းဆွေးနေ… “
မောင် ကျမ ကိုသေအောင်သတ်နေတာလား.. သူငယ်ချင်းအားလုံးရဲ့ မျက်လုံးတွေက ကျမ ဆီမှာလေ..
ပြတင်းပေါက်နားမှာ သီချင်းနားထောင်နေကြရင်းက ကျမ ထိုင်ချ လိုက်မိတယ်…
သဲ လို့ မောင်ခေါ်တဲ့ မောင့်ကောင်မလေးကို မောင်က ကျမ ဘေးနားကနေ လွမ်းနေခဲ့တာပေါ့..နော်…။ ။
“ မ
စစ်ကျောရေးရုံးရှေ့ကိုရောက်တော့ မ ကို ကျွန်တော် သတိရသေးတယ်…
ပြုံးပန်းဝေ မှာ အအေးသောက်ဖြစ်ကြတယ်လေ…ပြီးတော့ မ တို့ တွေ အဆောင်ကို ပြန်မရောက်သေးတော့
ကျွန်တော် တို့ မင်းဧရာမှာ ပဲ ဂစ်တာသွားသွားတီးကြတယ်..
ကျွန်တော် တို့ အဖွဲ့ မအူပင်တံတားအောက်မှာ ရေ တွေဆော့ခဲ့ကြတာရော…
ငယ်ငယ် က ခန့် ကြီးကို စိတ်ကောက်လို့ တဖွဲ့ လုံးဝိုင်းချော့ခဲ့ကြရတာတွေ ရောပဲ …
ကျွန်တော်လဲသတိရပါတယ်…
မရဲ့ 
အံ့မင်းညို “
ကျမ တို့ ကျောင်းပိတ်ရက် အိမ်ပြန်သွားချိန် မောင့်ဆီကို စာတွေ တလှေကြီးရေးပြီးမှ ပြန်ရခဲ့တဲ့ တစောင်တည်းသောစာပါ…
မရဲ့ 
အံ့မင်းညို တဲ့လား…မောင်ရယ်…
ကံဆိုးစွာနဲ့ ကျမတို့ ကျောင်းဖွင့်ချိန်မှာ မောင်တို့ က စာမေးပွဲ ပြီးလို့ ပြန်သွားခဲ့ကြတယ်…
မောင်ရန်ကုန် ကို ပြန်နေတယ် ဆိုတဲ့အသိက ကျမ ရင်ကိုစူးတချောင်း စူးစိုက်နေသလို အခံရခက်လှပါတယ်…
“သဲ” ဆိုတဲ့ မောင့်အချစ်ဦးလေးက မောင်တို့ အိမ်နားလေးမှာပဲ နေသတဲ့…တရပ်ကွက်ထဲ ဆိုလား…
ခုဆို သင်္ကြန်လေ…မောင် ပျော်နေမှာပေါ့နော်… မောင် ပျော်ရွှင်ပါစေ…ကွယ်…
မြန်မာ့အသံက သတင်းမှာ ရန်ကုန်သင်္ကြန်အကြောင်း တွေ့ လိုက်ရတော့ မောင့်ကို ပိုလို့ သတိရတယ်..
မောင့်ကို များမြင်ရမလား လို့ လိုက်ရှာနေမိတယ်..ကျမ ရူးလိုက်တာနော် မောင်…
သဲသဲ ဆိုတဲ့ ကျမ နဲ့ ရုပ်ရည်ရော ခန္ဓာကိုယ် အချိုးအစားပါ ခပ်ဆင်ဆင် တူတယ်ဆိုတဲ့ မောင့်ကောင်မလေးလဲ…
အရမ်းပျော်နေမှာနော်…
ကျမ ကတော့ သင်္ကြန်နားနီးလို့ ပြန်ခါနီး မောင်လောင်းသွားတဲ့ ရေသန့် ဘူးထဲက ရေလေး တပေါက် နှစ်ပေါက်ကလွဲလို့ 
အစိုမခံတော့ပါဘူးကွယ်.. အပြင်ကို မထွက်လို့ သူငယ်ချင်းတွေ က မချင့်မရဲ ပြောပါတယ်…
“ နင်တော်တော် ရူးတာပဲ မိယု “ တဲ့…
ဟုတ်ပါတယ်လေ… ယုယခင် ဆိုတဲ့ မိန်းမ တယောက်ဟာ မောင်နဲ့ မတွေ့ ခင်အချိန်အထိတော့ ရူးသွပ်ခြင်းကင်းမဲ့ခဲ့ပါတယ်…မောင်။ ။
မောင့် ကို သင်္ချာရှင်းပြနေရင်းက မောင် က ကဂျီကဂျောင်ကျတယ်… လဘ္ဘသုတ်စားချင်တယ်တဲ့လေ…
ကျမ တို့ အဆောင်အောက်မှာက စာသင်ခန်းတခုရှိတော့ မောင်တို့ စာလာလုပ်လို့ ရတယ်..
သင်္ချာတချို့ အခန်းတွေကလဲ မောင်တို့ ကျောင်းနဲ့သင်ရိုးကတူတယ်လေ…
စာရှင်းနေရင်းက မောင့် မျက်နှာလေးကို သေချာကြည့်မိတယ်…မောင်က သိပ် အပြစ်ကင်းတာပဲကွယ်…
မျက်နှာလေးက ဂျစ်ကန်ကန် မှုန်တေတေလေးနဲ့ … စကားလဲ အရမ်းနည်းတယ်..
မောင်ရယ်.. မျက်စိရှေ့မှာ မြင်နေရက်ကကို..လွမ်းခဲ့ရတယ်…
သိပ်လှပတဲ့မျက်လှည့်တကွက်…
တသက်လုံး အပင်ပန်းခံ ရင်ကွဲအောင်ကခဲ့ ရတဲ့
ဇာတ်လမ်းတပိုဒ် မှာ
ငါဟာ မင်းသမီးတလက် မဟုတ်ခဲ့ဘူး…။
မကြေငြာပါနဲ့ 
တမင်ရင်နာခံ ပြီးတော့ကို
ငါ့ ကိုယ်ငါ လှည့်ထွက်ခဲ့တာပါ…
တစတစ ဝေးကွာသွားတဲ့
မှိင်တိုင်လေးများဆီမှ
မဆုံနိုင်ခြင်းဆိုတဲ့ ဝေါဟာရ
ပီပီသသ ကြားတယ်…။
မ မှန်တော့တာကလွဲ လို့ 
ငါတို့ မမှားခဲ့ကြပါ ချစ်သူရယ်…
ရင်တခု လုံးနဲ့ ထပ်လောင်း
ရှုံးခဲ့ရတဲ့ အကြောင်းတွေ ပြောပြမယ်…။
နာကျင်မှုခြင်းညီမျှ တောင်
တမင် ကခဲ့ရတဲ့ ဇာတ်တစ်ကွက်ပါ ချစ်သူ
ရင်ကွဲ ခံ ဇာတ်လမ်း အတွက်
ဟောဒီက ရင်ဘတ်တခြမ်းကလွဲ လို့ 
ဘယ်သူမှ ကြိုမလွမ်းခဲ့ရပါဘူး….။
တောင်းပန်တယ် ဆိုတဲ့စကားနဲ့ 
ကိုယ့်ကို ကိုယ်မကျိန်ဆဲပါနဲ့  ချစ်သူ
ယုတ္တိ မရှိတဲ့ အမှန်တရားတခု အတွက်
ခေါင်းမော့ရင်းတချက် ငါ ပြုံးပြခဲ့ချင်တယ်…။
နှလုံးသားတရာသီ စာလုံး ပျိုးခဲ့တဲ့
ချစ်ခြင်းအတွက် …
နာကျင်ခြင်းတစုံတရာ ထပ်ပေးခဲ့ပါ….ချစ်သူ
ငါကိုယ် ငါ …
မျှော်လင့်ခြင်းတွေ နဲ့ လိပ်ပြာခွဲတတ် စေ ဖို့ …လေ ...။ ။
ဒီလိုပါပဲ ..ဒီလိုနဲ့ ပဲ…ကျမတို့ ဝေးကွာခဲ့ကြတယ်…
“ ကျွန်တော့်အပေါ် အရမ်းကောင်းခဲ့တဲ့ မ ကို ကျွန်တော် နားလည်ချင်ပါတယ်..
ဒါပေမယ့် ကျွန်တော် နားမလည်ခဲ့တော့ဘူး မ…
အချစ်ဆို တာ အရာဝတ္ထုတခုလို တနေရာကနေ တနေရာ အလွယ်တကူ လွှဲပြောင်းယူလို့ ရတဲ့ အရာ
မဟုတ်ခဲ့ဘူး မ ရယ်…မကို ချစ်ဖို့ ကြိုးစားမိတိုင်း သဲ မျက်နှာနုနုလေး က
ကျွန်တော့် မျက်ဝန်းထဲ ပြေးပြေးဝင်လာတယ်.. သူငယ်ချင်းတွေ ပြောသလို ကျွန်တော့် ဘက်က
မျှော်လင့်ချက်တွေ ပေးခဲ့ မိရင်ကျွန်တော့်ကို ခွင့်လွှတ်ပါ..မ ကို အပျော်တွဲ ခဲ့တဲ့ သဘောထားမျိုး
ကျွန်တော့်မှာ မရှိခဲ့ပါဘူး…”
မောင့်စကားသံတွေ က ဟိုးအဝေးကြီးက ပြောနေသလိုလို …တိုးသွားလိုက်…ကျယ်သွားလိုက်…
ကျမ မျက်ဝန်းတွေေ၀၀ါးလာခဲ့တယ်….
မောင်ရယ်…အချစ်ဆိုတာ ရှင်းပြဖို့ မလိုတဲ့ ဘာသာဗေဒ တခုပါ…
ကျမ မှာ မောင့်ကို ချစ်တယ် ဆိုတဲ့ အသိတခုကလွဲ လို့ ဘာမျှော်လင့်ချက် မှ မထားရဲ ခဲ့ပါဘူး…
ကျမ မောင့် ကို မြတ်မြတ် နိူးနိူး နဲ့ ချစ်တယ်…
မောင့်ရဲ့ အသိစိတ်ဓါတ် မောင့်ရဲ့ သစ္စာ ကိုသိရတော့ လေးစားမှုနဲ့ အတူ ပို ပို လို့ တောင်ချစ်သေးတယ်..မောင်ရယ်...
မောင့် မှာအပြစ်မရှိပါဘူးကွယ်... ကျမတို့ ရဲရဲ ရင့်ရင့်ဝေးလိုက်ကြပါစို့ ....
မောင်နဲ့ ဆုံခဲ့တဲ့ ဒီနေရာ ဒီမြို့ လေးကို သိပ်ချစ်တယ်... ပုဆိုးနက်ပြာလေးနဲ့ ခြေချောင်းသန့် သန့် လေးတွေ ကိုချစ်တယ်...
နောက်နောင် ဘ၀ တခုမှာများ မောင်နဲ့ ပြန်ဆုံဖြစ်ခဲ့ရင်...
မောင့်ရဲ့ " ချစ်ဦးမေ " သီချင်းလေးကို အပိုင်ရတဲ့သူတယောက် ဖြစ်ခွင့်ရချင်ပါရဲ့ ...မောင်ရယ်
…………………………………………...။ ။………………………………………….
ဝန်ခံချက် ။ ။ စာတိုက်မှ ကျမဆီသို့ လိပ်မူ၍ရောက်လာသော အမည်မသိသူအမျိုးသမီးတယောက်၏ ဒိုင်ယာရီအပေါ် ခံစားရေးဖွဲ့ ပါသည်... အမျိုးသမီး၏ မွေးသက္ကရာဇ်မှာ ၁၉ရက် မတ်လ ၁၉၈၄ ဖြစ်၍ အကြောင်းကြောင်းကြောင့် ဒိုင်ယာရီကို ပြန်ရယူလိုသော် ကျမ ကို ဆက်သွယ်နိူင်ပါသည့်အကြောင်း ။ ။ပေးပို့ သူအားလဲ ကျမ မသိပါ ။ ။
တကယ်တော့ သူနှင့်ကျမ ၏တွေ့ ဆုံမှုမှာ ကဗျာမဆန်ခဲ့ပါ…ပြောရမည်ဆိုလျှင် သာမာန်ကာလျှံကာထက် ပိုမည် ဆိုရုံလေးသာဖြစ်သည်…
ည၉နာရီ ခန့် အချိန်..MRT ဟုခေါ်ဆိုသော အမြန်ရထားတစင်းပေါ်မှ အိမ်ပြန်ရောက်ချင်နေသော ကျမ၏စိတ် သည်ကျမခန္ဒာကိုယ်အား အပြေးအလွှားသယ်ဆောင်၍ဆင်းလာစဉ် ခဏ တွင်ဖြစ်သည်….
ကျမကိုတိုက်၍ ဖြတ်ပြေးသွားသောသူတယောက်ကို စိုက်ခနဲ ကြည့်မိသည်… ထိုသူက ကျမ ကိုကြည့်မနေခဲ့ပါ…
ကျမကိုကြည့်နေသည်က ထိုလူ၏ အနောက်ဘက်မှ မျက်ဝန်းတစုံ….
ထိုမျက်ဝန်းများမှာ ကျမဆီမှတဆင့် ၀င်ရောက်လာသောရထားဆီသို့ ရွေ့ လျားသည်… ထိုနောက်ကျောဆီဘက်သို့ ငေးကြည့်မိသည့်ခဏ..
ကျမ မှတ်ဥာဏ်မှ (Alarm) အလန်း ထမြည်သည်… ကျမ ကိုယ်ကျမ သတိလက်လွတ်သွားချိန်…ကျမ သူ့ ဆီသိုလျှောက်သွားမိရက်သား…ဖြစ်နေပြီ…
“ အကို က မအူပင်ဂျီတီစီက မဟုတ်လား “
“ ဗျာ..ဟုတ်တယ်..ညီမကလဲ မအူပင်ကပဲလား “
သူ့ မျက်လုံးကိုစိုက်ကြည့်မိသည်… သူ့ မျက်နှာကလဲ အဖြူထည်..
ဒါပေမယ့် သူကျမ ကိုမသိတာကိုတော့ တကယ်အံ့သြမိသည်…
ကျမတို့ နယ်ကျောင်းက ကျဉ်းကျဉ်းလေးရယ်.. တယောက်နဲ့ တယောက်မသိရင်တောင် မျက်နှာမြင်လျှင် ကျောင်းကမှန်းသိကြသည်…
ဒါပေမယ့်သူက မသိ… ကျမ တွေးရင်းပြုံးမိသွားသည်… ရှင်းပြရမှာပျင်းသည့်ကျမ နှင့် တော်တော်လေးပြောပြမှ သိမည့်သူ ကတော့
ဖြစ်တော့မည်မဟုတ်…ထို့ ကြောင့်..
“ ဟော ..ဟိုမှာရထားလာနေပြီ…အကိုလိုက်သွားရင်သွားတော့လေ…ညီမက ဒီကနေ ဘတ်စ်စီးပြန်မှာ “
“ ဗျာ…ဟုတ်ကဲ့.. ဟို…ညီမ ဖုန်းနံပတ်လေးပေးခဲ့ပါလား.. “
“ သြော် အင်း.. 81……. ပါ “
“ ဟုတ်ကဲ့ .ကျေးဇူးနော် ...ဒါဆိုကျွန်တော်သွားပြီ.. “
ကျမ လှေကားမှ ဆင်းလာရင်း ထပ်ပြုံးမိသည်… ဒါကျတော့လည်တာပဲ…သူကျမ ဖုန်းနံပတ်ကို ၃မိနစ်လောက်အတွင်းမှာရအောင်တောင်း
သွားသည်….ဒီနေ့ ကျမ သူ့ ကြောင့်တယောက်တည်းပြုံးဖြစ်သည်မှာနှစ်ကြိမ်ရှိပြီ….
“…….” “…..”
ကျမ ဖုန်းကိုငုံ့ ကြည့်လိုက်သည်…သို့ ပေမယ့်နံပတ်က အသစ်…
“ဟယ်လို”
“ညီမ လား..ကျွန်တော် ပါ’
“ သြော် ကျွန်တော်လား… “
ဟုတ်သည်လေ..ကျမ မှ သူ့ နာမည်ကို မသိပဲနှင့်
“ ကျွန်တော့်နာမည်…ပါ…ဒါကျွန်တော့်ဖုန်းနံပတ် မှတ်ထားနော် ‘
စိတ်ထဲက တွေးဖြစ်သည်..ချက်ချင်းကြီးကိုပြန်ဆက်တော့တာပဲ…
ဖုန်းကိုပြောပြီး..နံပတ်ကို Save လိုက်သည်… အိမ်နားရောက်တော့ မတ်ဆေ့ တခုရောက်လာသည်…
ကိုကြီးဆီက ထင်၍ဖွင့်အကြည့်… ကိုယ်တော်ချောဆီကပဲဖြစ်နေသည်….
“ I just arrive home, n u? “
“me 2”
အိမ်ရောက်ပြီး ထမင်းစား၊ရေချိုး ခဏနားပြီးချိန် သူ့ ဆီကဖုန်းထပ်လာသည်…အကြောင်းပြချက်ကတော့ ထမင်းစားပြီးပြီလား က
စမေးသည်… ဒီလိုနှင့် ဖုန်းတစ်နာရီကျော် လောက်ပြောဖြစ်သည်..
နောက်ရက်တွေ ကျမတို့ နှစ်ယောက် အတူပြန်ဖြစ်သည်… သူရော ကျမ ပါ ၉နာရီခန့် အထိ… အိုတီ ဆင်းရသည်မှာတူသည်…
ကျမတို့ နှစ်ယောက်စလုံး Jurong West တွင်နေကြတာတူသည်… ရထားအနီလိုင်းနှင့် ပြန်ရတာတူသည်…
မတူသည်မှာ ကျမအလုပ်နေရာက သူ့ ထက် ၃မှတ်တိုင်ခန့် ပိုဝေးသည်… သူက Woodland ကျမ က Yishun …
ကျမက Jurong East မှ ဘတ်စ်ကားစီးလျှင်အိမ်တန်းရောက်၍ သူက MRT အစိမ်းလိုင်းပြောင်း၍ Boonlay အထိ စီးရသည်…
ဒါတွေက ကျမသိသည့်တူညီချက် ၊ မတူညီချက်တွေ…
နောက်တခုကျမ မသိတာက … သူက သူ့ အလုပ်နေရာ နီးရာမှ ကျမ ရှိရာ မှတ်တိုင်အထိ လာကြိုသည်…
ကျမ နှင့်အတူ ဘတ်စ်ကားလိုက်စီး၍ ကျမ အိမ်ရှေ့နားရောက်မှာ ဘတ်စ်ကားနောက်တဆင့်စီး၍ ပြန်သည်..(ဘာကြောင့်လဲတော့မသိပါ) ။ ။
“ချစ်ခြင်းရဲ့ ဖွဲ့ တည်မှုမှာ… ကန့် သတ်ချက်တချို့ …ရှိနေလား…
သူ့မျက်ဝန်းညိုတွေဟာ… ကျမရင်ထဲကို ထွင်းဖေါက်ဝင်လာခဲ့တဲ့…
နွေးထွေးသောရင်ခုန်သံ …တချို့ တ၀က်ပါပဲ….။ ။”
စင်္ကာပူရောက်စကနေ အလုပ်ဝင်ချိန်အထိ…သူ့ အမ နဲ့ ကလွဲရင်အပြင်မထွက်ဖြစ်ခဲ့တဲ့သူက…
ကျမ သွားရာနောက်တကောက်ကောက်လိုက်ရင်း..အိမ်ကို မကပ်တော့ပါဘူး…
ကျမ အလုပ်စောဆင်းလို့ သူငယ်ချင်းနဲ့ Bugis ဈေးသွားရင်တောင် သူ့ အလုပ်ပြီးတဲ့အချိန်..၉နာရီ ၁၀နာရီ မှာ
သူဟာ နောက်ကနေ လိုက်လာခဲ့ပါတယ်….
အဲ့ဒီမှာ ဇာတ်လမ်းစ တာပါပဲ… ကျမနဲ့ ပါလာတဲ့ ကျမ သူငယ်ချင်းက သူ့ ကိုစိတ်ဝင်စားပါသတဲ့…
ကျမ ကလဲ သူနဲ့ အသိအကျွမ်းပြန်တွေ့ ရုံ၊ ခင်မင်ရုံဆိုတော့ မိတ်ဆက်ပေးပါတယ်….
နောက်တော့ ရှင်းရှင်းလေးပဲ…အောင်သွယ်ပေးတယ်ပေါ့လေ…
သူကို အတင်းခေါ်သွားပြီး… ကျမ သူငယ်ချင်းအိမ်ကိုသွားလည်ပါတယ်…
ကျမ ဘယ်သွားသွား သူတို့ နှစ်ယောက်ကိုခေါ်တယ်… သူ ဖုန်းဆက်တိုင်းလဲ သူငယ်ချင်းအကြောင်းတွေချည်းပဲ
ပြောပြော နေတယ်ပေါ့…
သူကတော့ အတင်းကို ကျမသူငယ်ချင်းကိုရှောင်တော့တာပါပဲ… သူငယ်ချင်းဖုန်းဆက်ရင်လဲ အင်းမလုပ် အဲမလုပ်…
ပြီးတော့ ကျမနဲ့ တွေ့ ချင်တယ်..ဘုန်းကြီးကျောင်းသွားရအောင်တဲ့..ကျမသူငယ်ချင်းကိုတော့ ခေါ်မလာပါနဲ့ လို့ ဆိုတယ်…
ဇာတ်လမ်းလေးက ရိုးပါတယ်…သို့ ပေမယ့်လည်း အပြစ်ကင်းချင်မှလည်း ကင်းတော့မပေါ့…ကွယ်…
“တကယ်ဆို ကျမ ကချစ်ခြင်းမေတ္တာအပေါ် အယုံကြည်ကင်းမဲ့လွန်းတတ်ခဲ့သူပါ...
သို့ ပေမယ့်လည်း
ချစ်သူအသက်သွင်းတဲ့ ဒီမျက်လှည့်ဝင်းထဲမှာပဲ
ကျမနှလုံးသားဟာ ပန်းနူရောင်ပြောင်းသွားခဲ့တယ်...
မြတ်နိုးခြင်းကို ကျမကိုယ်တိုင်အရောင်ခြယ်လို့ မ၀သေးခင်
ချစ်သူက လက်ဆောင်အဖြစ်ကျမကိုနှင်းအပ်ခဲ့တယ် ...။ ။ “
ကျမ ရဲ့ ပထမဆုံး ယုံကြည်မှုဟာ… သူ ကျမကို လေးလေးနက်နက် ချစ်ခဲ့တယ် ဆိုတဲ့ အချက်ပါပဲ…
ထူးဆန်းစွာ ဘယ်အရာကိုမဆို ယုံကြည်လက်ခံဖို့ ခဲယဉ်း လွန်းသူ ကျမ ကပေါ့….
“ တကြိမ်တခါ…ယုံကြည်မှုဟာ..
ရှေ့ဆက်မယ့် ခရီးလမ်းတွေကို ..
အလင်းရောင် ဆိတ်သုည်းစေနိုင်သလား…
မိုးမှောင်ကျမှာ ငါမကြောက်ပါဘူး ကွယ်…
ပြန် မလင်းလာမှာကိုတော့..
စိုးရိမ်မိတာပေါ့… ။ ။ “
မကြာတော့တဲ့အချိန် တခုမှာ ခွဲခွါခြင်းနဲ့ ကျမတို့ ရင်ဆိုင်ရတော့မယ်…
ခွဲခွါချိန် ဟာ တနေ့ နေ့ တော့ရောက်လာမှာပါပဲ…ဒါပေမယ့် သိပ်မြန်လွန်းမနေဘူးလား…လို့ …
“ခံပြင်းနာကျဉ်းတတ်လာတဲ့အခါ…
.အလွမ်းဟာ နင့်နင့်သီးသီး ငိုရှိုက်တယ်…
မလွမ်းကောင်းပေမယ့်…လည်း
ငါဟာ နင်ရင်းနီးဖူးခဲ့တဲ့ ပန်းပွင့်တွေအကြောင်းတောင်
စာလုံးပေါင်း ကောင်းကောင်းမတတ်ခဲ့တဲ့ ကောင်မလေးတယောက်ပါ
ငတ်မွတ်ခေါင်းပါးလာတဲ့ သည်းခံနိုင်စွမ်းတွေကို မြိုချရင်း
ပျောက်လုဆဲဆဲ လမ်းတွေ အကြောင်း
ငါဟာစာ,တစ်လုံးချင်းပေါင်းခဲ့ရတယ်...
သည်းသည်းထန်ထန် မငိုကြွေးတတ်ပေမယ့်...
ဒါဟာ...
ပေါ့ပျက်ပျက် မျက်ရည်တစက် မဟုတ်ခဲ့ရပါဘူးကွယ်....
အတိုင်းအဆ မဲ့စွာ မျှော်လင့်ခဲ့ဖူးတဲ့ချစ်ခြင်းတစ်ခု အတွက်....
ငါ့ရင်ဘတ် လက်ယက်ကျင်းလေးထဲ
အလွမ်းတွေ စိမ့်စိမ့်ပြီး စီးဆင်းတယ်...။ ။”
ကျမ လွမ်းခဲ့ဖူးတယ်… ဒါပေမယ့် အလွမ်းတွေဟာ သိပ်ခါးသီးတာပဲကွယ်…
ဖွင့် မဖတ်ချင်တော့ တဲ့ ဒိုင်ယာရီ စာမျက်နှာတွေ ကို ကျမ …ငြင်းဆန်နေလျှက်က သိမ်းဆည်းခဲ့ရတယ်…
နှစ်ဟောင်းတနှစ် ဟာ…မျက်ရည်တွေ..အလွမ်းတွေ… မရဏရောင်… အသည်းကွဲ ခန်းတွေနဲ့ ….
ဒီအခန်းငယ်ကို ကျမ တံခါးပိတ်ပစ်ခဲ့တယ်… ဘယ်တော့မှ ပြန်မဖွင့်ဖြစ်တော့အောင်ပေါ့လေ…
“အဲ့ဒီအခိုက်အခါက ငါ့အတ္တတွေလေ..
ကြောက်မက်ဖွယ်ရာ ကြွေ ကြွေ ကျ
တစချင်း တစစီ
ခြေချစရာ မြေတစ’တောင် မကျန်တတ်ခဲ့..
………
ပြန်လွမ်းပြန်သိ တမ်းတမိသူအရှုံး
အဲ့ဒီ ခါးခါးသီးသီးသက္ကရာဇ် တခုအတွက်နဲ့ တော့
နောက်တခါ ထပ်မရှုံးစေရတော့ဘူး
…….
နာကျဉ်းစရာတွေလဲ
မနာကျဉ်းတတ်စေဖို့ 
ဒီ သက္ကရာဇ် တခုကိုဖြိုချ မယ်
…………
ငါ့ ရာဇ၀င်ထဲ
ခွင့်လွှတ်တတ်ခြင်းတပေါက်တလေလောက်
ဖေါက်ချထားခဲ့မလို့ 
………
တွေ့ တယ်မှတ်လား
ချစ်တတ်ခြင်းတခုမွေးမြူဖို့ 
ငါဘယ်လောက်ရင်းနှီးခဲ့ရသလဲ တဲ့ 
အဲ့ဒီ သူ့ ရင်ခွင်ထဲ
ခံစားချက်တွေ နှလုံးသွေးတွေ တစက်ချင်းခြွေချ
ဟော့ဒီ ငါ့ခေါင်းပေါ်က သရဖူတခုနဲ့ သာ
အမိအရလဲခဲ့ရ…။”
ဘယ်လိုပဲ ဖြစ်ဖြစ် ချစ်ခြင်းမှာ ယုံကြည်မှု ဟာ အရေးပါပါတယ်… ကျမ ယုံကြည်ခဲ့တာက မဝေးတော့တဲ့ မနက်ဖြန်မှာ
ကျမတို့ နှစ်ယောက်ပြန်ဆုံကြရတော့မယ်…လို့ …
အရာရာ ကို မဟုတ်ပေမယ့် တစုံတရာ ကိုတော့ ကျမ စိန်ခေါ်ရဲ ပါတယ်… သူသာ ကျမအတွက်ရှိနေခဲ့မယ် ဆိုရင်ပေါ့…
နှလုံးသားရဲ့ နေရာ အတော်များများမှာ နာကျင်မှုတွေ ၊ အလွမ်းတွေ နဲ့ ဖွဲ့ တည်နေခဲ့တဲ့ မိန်းကလေး တယောက်ဟာ…
သေချာခြင်းတခု နဲ့ သူ့ ကိုချစ်ခဲ့မိတယ်ဆိုရင်… ဒါကို ရူးသွပ်မှု တခုလို့ ပဲ ဆိုရမလား…..
“….ရှုပ်ရှက်ခတ် နေတဲ့ အမှန်တရားကို ဆေးကျောဖို့ 
အဖြူရောင်သွေးတစက်ပဲ လိုတယ်…
အိပ်မက်တွေကိုနောက်ယောင်ခံမလိုက်ဖို့ တော့
ငါ့ဦးနှောက် က
စိတ်ကူးတွေကိုအကျဉ်းချထားလေရဲ့  …။
နောင်တ ဆိုတာ အမည်လေးလှသလောက်
ခံရခက်တဲ့ အရာမှန်း
ငါက (မင်းကို)သိစေချင်ယုံလောက်ပါပဲ…
လောင်းကစား မဆန်ခဲ့တဲ့
အလောင်းအစား တခုပေါ့
နွေ ဟာပူမှာပါပဲ..
နွေ ကိုနွေ ပီသပါစေ…လေ…။ “
သူ့ ချစ်ခြင်းတွေ ကို စမ်းသပ်ခန်းတခုထဲ ထည့်ပြီး..အရည်ဖျော်ချဖို့  ကျမကြိုးစားတယ်…
ဒါပေမယ့်သူအချစ်တွေက ဓါတ်ငွေ့ တခုအဖြစ် အသွင်ပြောင်းသွားပြီး ကျမ ကို ထွက်ပေါက်မရှိအောင် ၀န်းရံထားခဲ့တယ်…
အို …ချစ်ခြင်းဟာ ဒီလောက် ထွက်ပေါက်မဲ့မှန်း ကျမ အခုမှ သိတတ်တယ်ကွယ်… ဒါပေမယ့် နောက်ကျခဲ့ပြီ…
ဒီအသိဟာ သူ့ ချစ်ခြင်းလှောင်အိမ်ထဲက …မိန်းကလေးတယောက်ရဲ့  အာရုံလေ…
“
ငါ့ကိုလွတ်မြောက်ခွင့်ပေးပါ…
ကောင်လေးနဲ့ စတွေ့ ခဲ့တဲ့
ဘူတာရုံလေးဆီပြန်သွားဖို့ 
ငါ့ ခြေလှမ်းတွေက ငါ့ကိုစောင့်နေကြလိမ့်မယ်…။ ။”
ကျမ တို့ တယောက်နဲ့ တယောက်ငြိတွယ် ခဲ့ကြတယ်…
ကျမ တို့ တယောက် အပြစ်ကို တယောက်မမြင်န်ိုင်အောင် မြတ်နိူးခဲ့ကြတယ်…
ကျမ ကိုယ်တိုင် ချစ်ခြင်းတွေကို အသိဥာဏ်ပေါ် တင်ပြီး ဆုံးဖြတ်ခဲ့တယ်…
ကျမ တို့ ကိုယ့်လမ်းကိုယ်ဖေါက်တယ်… အိပ်မက်တွေကို ပုံဖေါ်တယ်…
မြတ်နိူးခြင်းတွေနဲ့  ကိုယ်ပိုင် ကမ္ဘာလေး တခုကို တည်ဆောက်ခဲ့ကြတယ်…
ကျမ တကိုယ်လုံးမှာ ကိုယ့်ကိုကိုယ် ယုံကြည်ခြင်းတွေဟာ.. သုံးပုံတပုံထက် ပို များနေနိုင်တယ်…
ပြီးတော့ ကျမ သူ့့အတွက် ရပ်တည်နေနိုင်တယ်… ဒါဟာ ချစ်ခြင်းရဲ့ အဖြေ တ၀က်ပဲဖြစ်ပါလိမ့်မယ်…
ကျန်တဲ့တ၀က် ကတော့ ဘာသာဗေဒ မသိသော… ပုစ္စာ….
“…..အချစ်စစ်ဆိုတာ ဆုံမှတ်ကိုမရောက်သေးသရွှေ့ 
ဘယ်သောအခါမှ ရုပ်ကြွင်းဖြစ်မသွားဘူး…
အိပ်မက် ၊ ရာသီ ၊ ပြက်လုံး
အားလုံးရဲ့ အဆုံးမှာ
မင်းချစ်ခြင်းတွေကိုသာ ငါ ပိုင်ဆိုင်ခွင့်ရခဲ့တယ် …။ ။”
…………………………………………………………………….။ ။…………………………………………………………………………….
(ချစ်သော မမ၀ါ ရဲ့ တဂ်ပို့ စ်ပါ… အဖြစ်မှန်တ၀က် ….စိတ်ကူး တ၀က်ခြယ်သထားမိခဲ့ပါတယ်… )
ဖြစ်များဖြစ်နေလေမလား
ရှင်က ကျမ အား
ဘ၀အဆက်ဆက် တိုက်စားခဲ့စေသော ကျိန်စာ...
အချစ်စစ်ဆိုတာ ချိုသလား ၊ခါးသလား..
ဖျော့တော့တော့မျက်ဝန်းတွေ အမူအကျင့် ကင်းမဲ့နေခဲ့
သစ္စာဆိုတာ ဘာ , ဘာသာစကားများလဲ
ဖြစ်နိုင်ရင် ဖြေပါ...
ညတွေကိုခြေရာကောက်ရင်း...
အိပ်မက်တွေကိုလက်စဖျောက်ပစ်ခဲ့တယ်...
မနိူးမှာစိုးခဲ့တဲ့ စိတ်နဲ့  ဘယ်တုန်းကမှ အိပ်မပျော်ဖြစ်ဘူး..
တဖ၀ါးမခွါ ဆိုတဲ့စကားသံတွေက
အနားမှာပုံပြင်သာသာ တိုက်ခတ်နေလေတော့
ငါရူးတာ...ရက်ရက်စက်စက် နိုင်လွန်းနေတယ်...
ဒီမှာ …ရှင်တို့ တွေ အိပ်မက်တွေကို
တဘ၀စာ စားသုံးဖူးသလား
………………………….
အာ....မစားနဲ့ 
အဲ့ဒါ ပက်ပက်စက်စက် ခါးတယ်....။ ။
