"စက်တင်ဘာ၏ အငွေ့ ပျံရခြင်းအကြောင်းအရင်း"


















မလိုတော့ပါဘူး…
နဖူးပြင်ထက်က အနမ်းတချက်နဲ့ 
ခါးသက်သက် ပျက်ယောင်ပြုမှုတွေ…

မိုးလင်းပေါက်ဆန္ဒပြဖူးခဲ့တဲ့ နင့်ခြေသံတွေအတွက်
ငါ့အဆောင်ရှေ့က စွယ်တော်ပွင့်ကလေးကတော့
မခို့ တယို့ လှောင်ပြုံးတယ်

နင်ပေးခဲ့တဲ့ အချစ်ဦး ဆိုတဲ့ ဂုဏ်တရပ်နဲ့ တင်
ငါ့ကိုယ်ငါ သတ်ကွင်းထဲ ခြေစုံပစ်ဝင်မိခဲ့ရတာ..
အခုတော့ ငါ့အိပ်မက်တွေ တောင် ခမ်းလို့ ခြောက်လို့ …

အနယ်ထိုင်တာ မဟုတ်ခဲ့တောင်
အနေကြာသွားခဲ့ပြီပဲ…
နင်နဲ့ ဝေးကွာမှုဟာ..
ငါ့အတွက်တော့ ကောင်းခြင်းမင်္ဂလာတပါး ဖြစ်လေရဲ့ …

စိတ်အတွေးတွေ ကို ဆေးခြယ်မိတိုင်း
နင့်အကြောင်းတွေကို ခပ်ဝေးဝေးမှာ
သွားပုံထားတတ်ခဲ့တယ်…
မလွမ်းချင် လွမ်းချင်နဲ့ တောင် မလွမ်းဘူး
အလွမ်းတွေ က ငါ့ကိုကျိန်ဆဲတတ်လို့ …

မလိုတော့ပါဘူး…
နင့်အတ္တတွေနဲ့ နင့်ကို
နေသားတကျ ငါမြင်လိုက်ရတဲ့အခါ…

မလိုတော့ပါဘူး…
အညှီအဟောက်ဆန်တဲ့ နင့်အပြုံးတွေ
ဟိုးအရင်လို မဖြူစင်ကြတော့တဲ့အခါ….

မလိုတော့ပါဘူး…
ချစ်သူမဆန် တတ်တဲ့ နင့်ရည်းစားခေါင်းစဉ်တပ်တွေ
ငါ့မျက်ဝန်းထဲ ကိုးလိုးကန့် လန့် 
ခလုတ်လာတိုက်ပြတတ်ကြတဲ့ အထာ…

ဒါတွေ အားလုံးပဲ မလိုတော့ပါဘူး..
စက်တင်ဘာရဲ့ မိုးတစက်လို ပေါ့ပျက်ပျက် အတွေးတွေနဲ့ 
ငါ့စကားလုံးတွေ ခံစားမှုတွေ
လုပ်ကြံခံခဲ့ ရတဲ့ ခဏမှာတင်…
အရာအားလုံး…
အငွေ့ ပျံသွားခဲ့တာ….

ကြာပြီ…။ ။

4 Comments:

  1. စိမ်း... said...
    ဂွဒ်ထ ဂွဒ်ထ...
    ဟုတ်တာပေါ့...
    ကြိုက်တယ် ကူးပြီးသိမ်းထားလိုက်ပြီ..
    ပေး ပေး မပေးပေး... ဒါပဲ.. .:)
    Welcome said...
    မဖတ်ဖြစ်ခဲ့တဲ့ ကဗျာလှလှလေးတွေ တစ်ထိုင်ထဲ ဖတ်သွားတယ်။ အရင်ကထက် ပိုလို့ နုစိပ်လာသလိုပဲ။

    အားပေးနေမြဲ ...
    ဂျပန်ကောင်လေး said...
    အင်း.. အခြေအနေတွေ ဘယ်လိုဖြစ်နေပြီ မသိပေမယ့် အေးချမ်းနေလိမ့်မယ်လို့ပဲ မျှော်လင့်ပါတယ်ဗျာ...
    ဗညားရှိန် said...
    မလိုတော့ပါဘူး…
    ချစ်သူမဆန် တတ်တဲ့ နင့်ရည်းစားခေါင်းစဉ်တပ်တွေ
    ငါ့မျက်ဝန်းထဲ ကိုးလိုးကန့် လန့် 
    ခလုတ်လာတိုက်ပြတတ်ကြတဲ့ အထာ…

Post a Comment